""ಕಳೆದು ಹೋಯಿತು ಒಂದು ರತ್ನ""

ಕಳೆದು ಹೋಯಿತು

ಒಂದು ರತ್ನ ನಮ್ಮದು

ಆ ರತ್ನ ಇಲ್ಲಿಗೆ

ಮರಳಿ ಬಾರದು||ಪ||

ಭುವನೇಶ್ವರಿ ಮಡಿಲಲ್ಲಿ ಜನಿಸಿದ ರತ್ನವು

ನಮಗೆಲ್ಲಾ ಬೇಕಾದ ಬೆಲೆಯುಳ್ಳ ರತ್ನವು

ಬಡವರ ಪಾಲಿಗೆ ಬಂಧುವಾದ ರತ್ನವು

ತ್ರಿವಿಧ ದಾಸೋಹ ನೀಡಿದ ರತ್ನವು||೧||

ಬಸವನ ಹಾದಿಯಲಿ ಸಾಗಿದ ರತ್ನ

ನಾಡಿನ ಜನರ ಸೇವೆಗೈದ ರತ್ನ

ಜ್ಞಾನದ ಅಮೃತ ಉಣಸಿದ ರತ್ನ

ಬಡ ಜನರ ಉದ್ದಾರ ಮಾಡಿದ ರತ್ನ||೨||

ಮತ್ತೊಮ್ಮೆ ಹುಟ್ಟಿ ಬರಲಿ ಈ ಪುಣ್ಯ ರತ್ನ

ಸುಕ್ಷೇತ್ರ ತುಮಕೂರು ಸಿದ್ದಗಂಗೆಯ ರತ್ನ

ನಾಡಿನ ಜನಕೆಲ್ಲಾ ಆಶ್ರೀತ ರತ್ನ

ಶಿವಕುಮಾರವೆಂಬ ಈ ಶ್ರೀ ರತ್ನ||೩||

ಎಂದೆಂದೂ ಕೇಳಬ್ಯಾಡ್ರಿ ಭಾರತರತ್ನ

ಶ್ರೀಗಳಿಗೇ ಇರಲಿಲ್ಲ ಅದರ ಮೇಲೆ ಕಣ್ಣ

ರತ್ನಕ್ಕೆ ಭಾರತರತ್ನ ಏತಕೆ ಅಣ್ಣಾ

ರತ್ನಕ್ಕೆ ರತ್ನವೇ ಸರಿಸಾಟಿಯಣ್ಣಾ||೪||

- ಅರವಿಂದ ಸಜ್ಜನ 
ಮು/ಪೋ-ನರಸಲಗಿ 
ತಾ/ಬ.ಬಾಗೇವಾಡಿ 
ಜಿ/ವಿಜಯಪುರ 
ಪಿನ್ ಕೋ-586203