ಬಿಸುಲು

(ಕುವೆಂಪು ಅವರ ಹಸುರು ಕವಿತೆಯ ಪ್ರೇರಣೆಯಿಂದ ಈ ರಚನೆ. ಅವರಲ್ಲಿ ಕ್ಷಮೆಯನ್ನು ಕೊರುತ್ತಾ)

ಬೇಸಿಗೆಯ ಸುಡುಬಿಸಿಲಿನ
ಈ ಬಿಸಿಲ! ನಾಡಿನಲಿ
ಬೆಂದುದೋ ಕವಿ ಮೈಯು
ಬೆಂಕಿಯ ಬಿಸಿಲಿನಲಿ

ಕಡುಬಿಸುಲು ಸುಡುಬಿಸುಲು
ಉರಿ ಉರಿವ ಬಿಸಿಲು
ಸುಡುವ ನೆಲ ಸುಡುವ ಗಾಳಿ
ಸುಡುತಿಹವು ಮಡಕೆಯ ನೀರು

ವೈಶಾಖದ ಈ ಶಾಖಕ್ಕೆ
ಮೊಟ್ಟೆಯಾಯಿತು ಆಮ್ಲೇಟ್ಟು
ತಗೋ ತಿನ್ನು ಒರೆಸಿಕೋ ಮುಸುಡಿ
ಮೈಯೆಲ್ಲ ಬೆವರೋ ಬೆವರು

ಅದೋ ನೋಡು ಮರೀಚಿಕೆ
ಬಾಡಿಹೋಯ್ತು ಹುಲ್ಲುಗರೀಕೆ
ಬಿಸಿಲಿನ ಈ ದಹನಕೆ
ಸುಲಿತಾದೋ ಮೈ ಚರ್ಮ

ಹೊಸಹೂವು ಕರುಕಾಯ್ತು
ಗಾಳಿಯೂ ಕಳದೇ ಹೋಯ್ತು!
ಉಸುರುಸಿರಿಗೆ ಹಿಡಿಶಾಪ
ಹಾಕೋದೆ ಸೂರ್ಯನಿಗೆ

ಬಿಸುಲತ್ತಲ್ ಬಿಸುಲಿತ್ತಲ್
ಬಿಸುಲೆತ್ತಲ್ ಈ ಬಯಲಿನಲಿ
ಸಿಡಿದ್ಹೋತು ಉಷ್ಣತಾಮಾಪಕ
ಅಳೆದಳೆದು ಈ ಕ್ರೂರ ಬಿಸಿಲನ್ನು

   - ಲಕ್ಷ್ಮಣ ಬಾದಾಮಿ
    ಸರಕಾರಿ ಪ್ರೌಢಶಾಲೆ ಕುರುಕುಂದ
   ತಾ. ಸಿರವಾರ ಜಿ. ರಾಯಚೂರು