ಬದುಕು ಭರವಸೆಗಳ ತೂಗು ತಕ್ಕಡಿ

 ಬದುಕು ಭರವಸೆಗಳ ತೂಗು ತಕ್ಕಡಿ
ಹತಾಶೆ ನೂರು !
ಸಿಕ್ಕದ್ದು ಎಷ್ಟೋ.. ಸಿಗದಿದ್ದು ಎಷ್ಟೋ...
ಆದರೂ ಜೀವಿಸುವ ಆಸೆ ಎಲ್ಲರಲೂ
ಪಯಣ ನಡೆದಷ್ಟೂ ಅನುಭವ ಸಾವಿರ
ಇರಬಹುದು ಆಲ್ಲವೇ ?
ಹಗಲು ಗನಸಿನ ಹುಚ್ಚುತನ
ಬಹು ವಿಸ್ತಾರ ಮುಗಿಯದ ಆವಿಷ್ಕಾರ
ನನ್ನದೆನ್ನುವ ಅದೆಷ್ಟೋ ಅಭಿಮಾನ
ಸಹಿಸಿದ ನೂರಾರು ಅಪಮಾನ

ನಂಬಿಕೆಗಳು ಹುಸಿಯಾಗಿ ನಂಬಿದವರೇ
ಕೊರಳಿಗೆ ಉರುಳಾಗಬಹುದೇ
ಇಟ್ಟ ಹೆಜ್ಜೆಗೆ ಗುರುತು ಕಾಣದಾದರೆ
ಬದುಕಿನ ದಾರಿ ಕಕ್ಕಾವಿಕ್ಕಿ
ಕಣ್ಣಿದ್ದರೂ ಕುರುಡನಂತೆ ತಡಕಾಡಿ
ಹೆಣ್ಣು ,ಹೊನ್ನು ,ಮಣ್ಣಿನ ಹುಡುಕಾಟ
ಮನುಕುಲವೇ ಮರೆಯಾಗುವವರೆಗೆ
ಏಕಾಂಗಿಯಾಗಿ ಪಯಣ
ಯಾರು ಬರಲಾರರು ಮುಗಿದ ಬದುಕಿನ ಜೊತೆಗೆ
ಬಂದರೂ ಬರಬಹುದೇ ಮಸಣದವರಗೆ
ಮತ್ತೆ ನೆನಪಿನ ಹಾಯಿ ಬದುಕಿನ ಸಾಗರಕೆ
ತೇಲಿ ಬಿಟ್ಟಂತೆ
ಬಣ್ಣ ಮಾಸಿದಮೇಲೆ ಬದುಕು ನೂರಾರು ಪುಟ ಬರೆಯುವವನಾರೊ ಓದುವವನಾರೊ
ದೇವರ ಆಟದಲಿ ನಾನೂ ನೀನೂ ಎಲ್ಲರೂ ಒಂದೇ .....

ರಚನೆ

ಮಂಜುನಾಥ ಟಿ ಜಿ
ತರಿಧಾಳು ಉಪನ್ಯಾಸಕರು