ಕನ್ನಡ ಕನ್ನಡ ಹಾ ಸವಿಗನ್ನಡ

ಕನ್ನಡ ಕನ್ನಡ ಹಾ ಸವಿಗನ್ನಡ
ಕಿವಿಗದು ಇಂಚರ ಈ ತಿಳಿಗನ್ನಡ//

ಪಂಪ.ರನ್ನ,ಕುಮಾರವ್ಯಾಸರು ಬಳಸಿದ ಹಳಗನ್ನಡ
ವಚನದಿ,ರಗಳೆ,ಕಂದ ವೃತ್ತಗಳಲಿ ಇರುವ ನಡುಗನ್ನಡ
ಪುರಂದರ ಕನಕರು ವ್ಯಾಸತೀರ್ಥರು ಬಳಸಿದ ಕನ್ನಡ
ಕುವೆಂಪು,ಬೆಂದ್ರೆ ಕಾರಂತ ಮಾಸ್ತಿಯವರ ಆಧುನಿಕ ಕನ್ನಡ....!

ಅಕ್ಕರೆ ನುಡಿಯ ಸಕ್ಕರೆ ಸವಿಗನ್ನಡ
ಶ್ರೇಷ್ಠ ಪದಕೋಶ ಪದಗುಚ್ಚಗಳಿರುವ ಸಿರಿಕನ್ನಡ
ಕಾದಂಬರಿ,ನಾಟಕ,ಕಥೆ,ಪುರಾಣಗಳಲ್ಲಿ ಪ್ರಸಿದ್ದಿ ಈ ಕನ್ನಡ
ಪಂಪ.ಜ್ಞಾನಪೀಠ,ಸಾಹಿತ್ಯ ಅಕಾಡೆಮಿ ಪಡೆದ ಹೊಸಗನ್ನಡ.....!

ಸ್ವತಂತ್ರ ಲಿಪಿ ಇರುವ ಭಾಷೆ ಕನ್ನಡ
ಸಾವಿರ ವರ್ಷ ಐತಿಹಾಸಿಕ ಹಿನ್ನೆಲೆಯಿರುವ ಕನ್ನಡ
ಈ ಶ್ರೀಗಂಧದ ನಾಡಿನ ಚೆಲುವ ಸೊಗಸಿನ ಕನ್ನಡ
ಅಕ್ಷರಕೆ ಲಕ್ಷ್ಯವರಹ ಬೆಲೆ ಇರುವ ನಮ್ಮ ಭಾಷೆ ಕನ್ನಡ....!

ರಚನೆ :ಶಂಕರಾನಂದ ಹೆಬ್ಬಾಳ
ಕೆ ಎಚ್ ಡಿ ಸಿ ನೇಕಾರ ಕಾಲೂನಿ ಇಲಕಲ್ಲ ತಾ.ಇಲಕಲ್ಲ ಜಿ.ಬಾಗಲಕೋಟ