ಬಡವ ನಾನು

ಚಿಕ್ಕ ಗಾತ್ರದ ಬಾವಿ ನಾನು
ಸಣ್ಣ ಹರಿವಿನ ಝರಿಯು ಅಲ್ಲಿ
ಎತ್ತಿದಷ್ಟು ನೀರು ಹರಿದು ಬರದು
ನಿರಾಸೆಯ ಬದುಕಿನ ಬಾವಿ ನನ್ನದು

ಜಿಟಿಜಿಟಿ ಮಳೆಯ ಹನಿಯು ನಾನು
ಕೆರೆ ಕುಂಟೆ ಬಾವಿ ತುಂಬಲಾರೆನು ಒಮ್ಮೆಲೆ
ದೊಡ್ಡ ಹನಿಯ ಮಳೆಯಂತೆ, ಆದರೂ
ತಂಪು ಮಾಡುವೆ ಇಳೆಯನು ದೊಡ್ಡ ಮಳೆಯಂತೆ

ಗುಬ್ಬಿ ಗೂಡಿನ ಹುಲ್ಲು ಕಡ್ಡಿ ನಾನು
ಇಟ್ಟಿಗೆಯಂಥ ಶಕ್ತಿ ನನ್ನಲಿಲ್ಲವಾದರೂ
ಚಳಿ ಮಳೆ ಬಿಸಿಲಿನಲ್ಲಿ ಆಸರೆಯಾಗುವೆ
ನನ್ನ ನಂಬಿ ಕುಳಿತ ಒಲವಿನ ಹಕ್ಕಿಗೆ

ಬಡವ ನಾನು, ಸಿರಿಯು ನನ್ನಲಿಲ್ಲ
ಮೆರೆಯುವ ಭಾಗ್ಯವೂ ನನ್ನದಿಲ್ಲ
ಹರಿದು ಬರುವ ಸಿರಿನದಿಯೊಳಗೆ
ದೋಣಿ ಸಾಗಿಸುವ ಕಳ್ಳ ಬಯಕೆಯೂ ನನಗಿಲ್ಲ

  - ಸೂರ‍್ಯಕಾಂತ್ ಮಗದುಮ್
A/P -Mangasuli, tq - Kagawad, dist- belagavi