ತಿರುಕರು

ಆ ಊರು, ಈ ಊರು, ಉರೂರು ನಮ್ಮ ವಾಸ
ನಿಲ್ದಾಣ ಮರದಡಿಯ ಬೆಂಚುಗಳೇ ನಮ್ಮ ನಿವಾಸ.
        
ಅಲ್ಲಲ್ಲಿ ಹಾಸಿರುವ ಕಲ್ಮಂಚಗಳು
ಅದುವೆ ನಮ್ಮಯ ತಲೆದಿಂಬು, ತೂಗುಮಂಚ.

ಆಗೊಮ್ಮೆ ಈಗೊಮ್ಮೆ ಬೀಸುವುದು ಗಾಳಿ
ನಮಗದುವೆ ಹವಾನಿಯಂತ್ರಿತ ತಂಗಾಳಿ

ಅವರಿವರು ನೀಡುವ ಬಿಲ್ಲೆಗಳೇ
ನಮ್ಮ ಊಟದ ಬಿಲ್ಲುಗಳು.

ಸುತ್ತ ತಿರುತಿರುಗಿ ಸುಸ್ತಾಗಲು
ಅಲ್ಲಿರುವ  ವನಸಿರಿಯೆ ವಿಶ್ರಾಂತಿಗೃಹವು.

ದಾರಿಯಲಿ ಹಾಸಿರುವ ಹಸಿರು ಉದ್ಯಾನವೇ
ಹೆಮ್ಮೆಯ ನಮ್ಮ ಪ್ರವಾಸಿ ತಾಣಗಳು.

ಹತ್ತಿಳಿವ ಬಸ್ಸುಗಳು, ಅಲೆದಾಟದಿ ಸಿಗುವ
ಅಂಗಡಿ,ಗುಡಿ,ಮಹಡಿಗಳೇ
ನಮ್ಮ ನಿತ್ಯ ಕಾಯಕದ ಮೂಲಗಳು.

ತಿರುಕರೆಂದು ತಲೆತಿರುಗಿಸಿ ಹೋಗದಿರಿ
ನಾವು ನಿಮ್ಮಂತೆ ಮನುಜರೆಂಬುದ ಮರೆಯದಿರಿ.

   - ಭಾರತಿ ಭಂಡಾರಿ, ಬೆಂಗಳೂರು.