ಕರೆ ಬಂದಿದೆ

ಗಡಿಯಾಚೆಯ ರಣಭೂಮಿಗೆ

ಕರೆ ಬಂದಿದೆ ನನಗೆ

ತಡೆ ತಡೆದು ಹರಿದು ಬರುವ ಕಣ್ಣೀರಿನ

ತೊರೆ ಬಂದಿದೆ ನನಗ

          ಕಣ್ಣೀರು ಹಾಕದಿರು ತಾಯಿ ತೊರೆದು ಹೋಗುವೆ ಎಂದು

          ಮತ್ತೆ ಹುಟ್ಟಿ ಬರುವೆ ನಿನ್ನ ಮಡಿಲಿಗೆಂದು

          ಬಿಕ್ಕುತ್ತ ತಂಗೆಮ್ಮ ಏಕಮ್ಮ ಅಳುವೆ

          ನೀ ಕಟ್ಟಿದ ರಾಖಿಯ ಬಣ್ಣವ ತೊಳೆವೆ

ಧೈರ್ಯ ತಾಳಬೇಕು ತಂಗಿ ನೀನು ಎಂದೆಂದೂ

ತಮ್ಮನಿಲ್ಲವೆಂಬ ಕೊರಗು ನನಗೆ ಬರದಂತೆ

ಬರದೇ ಹೋದರೆ ಮರಳಿ ನಾನು ನೋಡಿಕೊಳ್ಳಬೇಕು ನೀನು

ಅಪ್ಪ ಅಮ್ಮನನ್ನು ಒಬ್ಬ ಗಂಡು ಮಗನಂತೆ

          ಗಡಿಯಾಚೆಯ ಆತಂಕದ ಕೊಳಕನ್ನು ತೊಳೆವೆನು ನಾನು

          ಗಡಿಯೊಳಗಿನ ಕೊಳಕನ್ನು ತೊಳೆವರು ಯಾರು?

          ಈ ಕೊಳಕಿನಲ್ಲೂ ಬದುಕಿ ಬಾಳಿ ತೋರಬೇಕು ನೀನು

          ಹೆಣ್ಣು ಮಗಳಲ್ಲ, ಗಂಡು ಮಗನಿಗೆ ಕಮ್ಮಿಲ್ಲ ಎಂದು ಸಾರಬೇಕು ನೀನು.

ತಂಗಿ ನಿನ್ನ ಬಿಟ್ಟು ಹೋಗಬೇಕಾಗಿದೆ ನನಗೆ

ಹಡೆದವರ ಹೊಣೆಯನ್ನು ಹೊರಬೇಕಾಗಿದೆ ನಿನಗೆ

ಭೂಮಿತಾಯಿ ರಕ್ಷಣೆಗೆ ಕರೆ ಬಂದಿದೆ ನನಗೆ

ತಡೆ ತಡೆದು ಹರಿದು ಬರುವ ಕಣ್ಣೀರಿನ ತೊರೆ ಬಂದಿದೆ ನನಗ.

                  ರಚನೆ:- ದಿನೇಶ ಚವ್ಹಾಣ

                                   Babalad Tq. Akkalkot Dist Solapur

*********