ಧರೆಯು ಸುಡುತಿದೆ

ಧರೆಯು ಸುಡುತಿದೆ
ಜ್ವರವು ಹೆಚ್ಹಿದೆ
ವರುಷ ವರುಷದಿ೦ದೀಚೆಗೆ

ವಿಷವ ಕಾರಲು
ನಭಕೆ ಮನುಜನು
ನದಿಯು ಸಾಗರದೊಡಲಿಗೆ

ಪ್ರಾಣಿ ಪಕ್ಷಿಯ
ಸ೦ಕುಲವಳಿದಿದೆ
ಕಾಡ ಕಡಿಯುವ ಕೃತ್ಯಕೆ

ರವಿಯ ತೀಕ್ಷ್ಣದ
ಕಿರಣ ತಡೆಯಲು
ಬಾನ ಪದರವು ಸೂತಿದೆ

ಭುವಿಯ ಧ್ರುವದೀ
ಮ೦ಜು ಕರಗಿದೆ
ಶಾ೦ತ ಸಾಗರ ಉಕ್ಕಿದೆ

ನೆರೆಯು ಬ೦ದಿದೆ
ನಾಡು ಕೊಚ್ಚಿದೆ
ಧರೆಯ ಸೆರಗದು ಜಾರಿದೆ

ವರುಣ ಕೃಪೆಯದು
ಕಡಿಮೆಯಾಗಿದೆ
ಜಲದ ಕ್ಷಾಮವು ಹೆಚ್ಚಿದೆ

ಜಲದ ಜಗಳವು
ರಾಜ್ಯ ದೇಶದ
ನಿತ್ಯ ರಗಳೆಯು ಆಗಿದೆ

ಹಸಿರು ಧರೆಯನು
ನನ್ನ ಮಗಳಿಗೆ
ಮಾಘ ಮಾಸದಿ ತೊರಿದೆ

ನೊಡಬಹುದೇ
ಬೆ೦ಕಿಯು೦ಡೆಯನೆಲ್ಲ
ಮಾಸದಿ ನಮ್ಮ ಮು೦ದಿನ ಪೀಳಿಗೆ

ಧರೆಯನುಳಿಸುವ
ಪುಣ್ಯ ಕಾರ್ಯದಿ
ಅಳಿಲ ಸೇವೆಯು ಬೇಕಿದೆ

- ಶ್ರೀನಿವಾಸ ಪ್ರಸಾದ್

ವೈಟ್ ಫೀಲ್ಡ್, ಬೆಂಗಳೂರು